Kryeministri Edi Rama në takim me fermerët e Konispolit tha se Unioni i Gjykatësve do që të bllokojë sërish Vettingun. Rama tha që gjyqtarët kanë tentuar disa herë që të pengojnë votimin e ligjit të Vetingut se e konsiderojnë atë antikushtetuese. Ai u shpreh se këta gjykatës kanë frikë nga drejtësia ndaj nuk e duan Vettingun.
“Unioni i Gjyqtarëve do të bllokojë sërish Vettingun. Gjykatësit kanë fikë që të thonë se janë anti-vetting, por kanë frikë nga hetimi i Vettingut ndaj tyre. Gjykatës që kanë frikë të thonë se nuk kanë lidhje me krimin e organizuar. Gjykatësit janë ndarë burrë dhe grua në shkallë të parë dhe në të dytë që t`i ndajnë paratë bashkë. Thonë në qoftë se nuk të pëlqen ne shkallën e parë kaloje në të dytën se atje është gruaja ime por pazari atje latë është më i lartë. Gjykata kushtetuese ka tentuar disa herë që të pengojë Vettingun dhe ta quaj atë antikushtetuese”, tha Rama.
Gjithashtu Rama tha se “mund të hapim negociatat këtë vit me Bashkimin Evropian në qoftë se kemi një votë të plotë. Se vetëm duke e pasur vetë timonin mund të bëjmë shumë më tepër punë dhe ta çojmë përpara Shqipërinë.”
