Ndërmarrjet me numrin më të lartë të drejtueseve femra janë në Tiranë dhe Lezhë.
INSTAT ka publikuar disa të dhëna, sipas të cilave në qarkun e Tiranës femrat drejtojnë më shumë se 32 për qind të bizneseve, ndërsa në qarkun e Lezhës 30 për qind e bizneseve drejtoheshin nga femrat më 2016.
Këto ndërmarrje të drejtuara nga femrat janë kryesisht ndërmarrje me 1- 4 të punësuar, të cilat zënë 92,7 % të numrit të përgjithshëm të ndërmarrjeve të drejtuara nga femrat.
Megjithatë, sipas të dhënave të INSTAT femrat zotërojnë 26,8 % të ndërmarrjeve aktive gjithsej, krahasuar me 31,3 % gjatë vitit 2015, shkruan Monitor.
Sipas raportit të Hendekut Global Gjinor nga Forumi Ekonomik Botëror, Shqipëria ka përmirësuar renditjen e saj me 8 vende krahasuar me një vit më parë, duke u listuar 62-a nga 144 vende të cilat janë marrë në konsideratë. Por, renditja vijon të jetë më keq se në 2006-ën kur Shqipëria renditej në venin e 61.
