Pas helmimit të 140 militantëve në mitingun e PD-së, Prokuroria ka sekuestruar prozhektorët e ndriçimit, të cilët u përdorën në mitingun e hapjes së fushatës elektorale të Partisë Demokratike.
Mësohet se prozhektorët do çohen për ekzaminim në laborator, për të parë nëse kanë ose jo rrezatim të dëmshëm, pasi dyshohet se ka qenë pikërisht ndriçimi shkaku i lëndimit të dhjetëra personave, mes tyre edhe Basha.
Ende nuk ka një informacion të saktë mbi shkakun e helmimit të demokratëve, por prokuroria po vijon hetimet intensivisht për zbardhjen e ngjarjes.
