Presidenti i Republikës së Turqisë Recep Tayyip Erdogan zhvilloi sot një bisedë telefonike me presidentin rus Vladimir Putin.
Në deklaratën e Presidencës Turke thuhet se presidenti Putin ka uruar presidentin Erdogan për rikthimin në krye të Partisë për Drejtësi dhe Zhvillim (AKP), raporton gazeta turke ‘Sabah’.
Erdogan dhe Putin gjithashtu biseduan edhe për përshpejtimin e hapave drejt normalizimit dhe thellimit të marrëdhënieve Turqi-Rusi. Më tej u ra dakord që krijimi i “zonave jo konfliktuale” në Siri do të kontribuojë për zgjidhjen e situatës në këtë vend.
