Gjatë një takimi me gratë në Fier, kryeministri Edi Rama nuk ka kursyer batutat lidhur me votën e 25 qershorit.
Rama u bëri thirrje atyre që të bindin burrat e tyre, por edhe të komshijeve për të votuar Partinë Socialiste.
Ndërkaq, ai pohoi se për të shkuar drejt Evropës duhet vota e qytetarëve për ti dhënë një mundësi të çojë vendin përpara.
“Unë u siguroj që ju 1 votë më shumë ne 10 punë më shumë. Deri në 25 qershor mos i lini burrat pa sqaruar, por jo vetëm burrat tuaj, por edhe burrat e komshies dhe burrat e fshatit. Se këtë vend e kanë marrë në qafë burrat”,tha rama.
Po ashtu, ai ka sulmuar edhe liderin e opozitës Lulzim Bashën me të cilin ai ka biseduar “kokë më kokë” para disa ditësh, me të cilin arriti edhe disa marrëveshje.
“Tani që e njoh dhe nga afër Lulin, ju them harrojeni. Ka vetëm një fuqi që mund ta bëjë deri në fund shtetin, amanetin e rilindësve dhe dëshmorëve, atyre që dhanë jetën për vendin, dhe kjo është vetëm PS”, pohoi ai.
Me tej, kryeminsitri Rama ka shkëmbyer edhe disa batuta me gratë e këtij qyteti duke i quajtur burrat dembelë.
“Edhe pse në këtë rast nuk mund të them se Armando më mirë të ishte grua sepse nuk i lë asgjë punës. Ka dhe burra të shkëlqyer por ka dhe gra që të bëjnë të mos i kesh afër.
Prandaj na duheni ju që jo të bindim sa më shumë gra por të bindim sa më shumë burra , jo që të bindim sa më shumë vajza por të bindim sa më shumë djem.
Nuk e prisja kur në jetën time që të isha i rrethuar nga kaq shumë gra. Nuk di nga të ndalohem se…
Jo vetëm kaq shumë gra dhe vajza por keto janë këtu për partinë socialiste.
Shpeshherë thuhet se kur do të mbarosh punë me atë familje, fshat apo qytet mbaro punë me burra.
Ndërsa mua kjo punë më ka mësuar që kur do muhabet rri me burra, kur do të mbarosh punë rri me gra.
Dhe kjo ndodh me ju, se ata që janë në shtëpi vetëm muhabet duan.
Ne ia kemi parë hairin punës së gruas.
Ka dhe burra të shkëlqyer ka dhe gra që o zot mos ti kesh afër.
Ka burra që thonë po po do ta mbaroj. Ndërsa gruaja vjen dhe thotë që e mbarova punën”,përfundoi ai.
