Studentët dhe pedagogët e degës biologji-kimi në universitetin “Luigj Gurakuqi” lanë auditorët dhe u bashkuan në brigjet e lumit Buna, aty ku ndodhet një prej lulishteve të Shkodrës dhe bënë thirrje për mbrojtjen e mjedisit.
Këta studentë zgjodhën ditën ndërkombëtare të parqeve për zhvillimin e këtij aktiviteti sensibilizues.
Qyteti i tyre në gjirin e vet ka përveç hapësirave të gjelbra, edhe një prej parqeve më të rëndësishme kombëtare, atë të Thethit, prandaj sipas tyre kujdesi që secili duhet të tregojmë, duhet të jetë i madh.
Aktiviteti u shoqërua me shpërndarjen e fletëpalosjeve dhe broshurave informative të zonave te mbrojtura.
