Kryeministri Edi Rama ndodhet në Manëz, në Durrës ku po zhvillon një bisedë me fermerët e zonës.
Pas miratimit të Vettingut dje në Parlament, Rama foli lidhur me rëndësinë e tij, të cilin e krahasoi si operacionin më të rëndë, që pastrojë Shqipërinë.
FJALA E RAMËS:
“Vettingu ishte bllokuar nga bojkoti i opozitës. Reforma në drejtësi do të pastrojë kancerin në sistem. Sot Shqipëria është më serioze se ç’ishte dje.
Shikoni fytyrat dhe vendosni vetë. Sot ne jemi në kushtet kur kemi bërë një reformë që s’e ka bërë askush. E vumë në program dhe patjetër që do bëhet sepse nuk mund të vazhdojë popullin t’i rrijë peng.
Me e pyet të zotin për pronat a ka pas ndonjë problem me gjykatësin, jam i bindur që do ketë pasur. Ai s’ka për të thënë që i kam dhënë lekë gjykatësit, por jam i bindur që ka pasur një problem.
Sa njerëzve u ka ndodh që një ditë të bukur u ka ardh njëri me kostum dhe me flokët me xhel dhe u ka thënë që jam pronar. Komunizmi i shpronësoi të gjithë, ama të gjithë dokumentet e pronës i mbylli në kasafortë. Nuk i dogji, i futi në kasafortë, po të ishte Saliu do i kishte djeg.
Ne kemi vënë një bazë, më shkrunte njoni sot në mjes, tani që e bone Vettingun, Saliu s’do arrestohet. Këto janë muhabete, Vettingu nuk ka lidhje dhe prandaj është bërë, që partitë nuk kanë më cfarë i bëjnë procesit dhe nuk i ndalojnë dot më. Çdo prokuror që ka bërë deklaratën e pasurisë, do verifikohet.
Dikush që thotë kam 7 shpi, njonën ma ka lënë vjehrra, tjetrën burri i motrës etj. Këto do verifikohen, nëse del që vjehrra i ka vdes, motra s’ka burrë etj etj, ky zotëria do shkojë në burg.”
