Marrëveshja mes Ramës dhe Bashës ka gëzuar shumë socialistë e demokratë, por duket se këta të fundit nuk janë shumë të kënaqur me datën e zgjedhjeve.
Koordinatorja e Partisë Demokratike, Reila Bozdo ka dhënë një arsye të fortë përse nuk duhen zhvilluar zgjedhjet më 25 qershor.
Kjo ditë, sipas Bozdos, është e papërshtatshme për zgjedhje, për shkak se bën pjesë në kalendarin e festave zyrtare, konkretisht është Dita e Bajramit të Madh.
Pas nënshkrimit të marrëveshjes Rama-Basha, duke i dhënë fund ngërçit politik të krijuar prej 3 muajsh në vend, sot publikohet një tjetër detaj i rëndësishëm, që vë në pikëpyetje datën e zgjedhjeve.
“A është 25 Qershori 2017 festë fetare zyrtare? Nëse po, atë ditë nuk mund të ketë angazhim zgjedhor”, shkruan Bozdo, ndërsa publikon edhe kalendarin e festave zyrtare, referuar faqes online të bankës së Shqipërisë.
