Zyra së Bashkimit Evropian në Kosovë, kërkon që procesi zgjedhor i 11 qershorit të jetë i drejtë dhe në përputhje me standardet evropiane, në mënyrë që të prodhojë një rezultat të pranuar nga të gjitha palët.
“Sa i përket procesit zgjedhor, Kosova duhet të demostrojë aftësinë për të organizuar zgjedhje të drejta dhe të lira, në përputhje me standardet evropiane,” thanë për mediat zyrtarë të BE-së në Prishtinë
Të pyetur rreth aderimeve të shtuara të shoqërisë civile në parti politike, zyratrët e BE-së vlerësojnë se, “gjithkush ka të drejtë të përfshihet në jetën publike sipas preferencave”.
Janë dhjetra aktivistë të shoqërisë civile që ju kanë bashkuar Lidhjes Demokratike të Kosovës, e cila tashmë ka hyrë në koalicion parazgjedhor me Aleancën Kosova e Re.
Aderime ka patur edhe në koalicionin e Partisë Demokratike të Kosovës, por publikisht nuk është parë ndonjë aderim i pjesëtarëve të shoqërisë civile në Lëvizjen Vetëvendosje
