“Në Kosovë nuk do të ketë vend për Serbinë e as për asociacion”. Kështu është shprehur Ramush Haradinaj, kryetar i AAK-së, njëherësh kandiat për kryeministër i njërit prej koalicioneve politike në Kosovë.
Duke folur në ceremoninë e përkujtimit të 33 dëshmorëve tw rënë në fshatin Jabllanicë të Komunës së Gjakovës, siç raporton Klan Kosova, Haradinaj ka deklaruar se, ”Kosova është e vogël. Nuk ka vend për asociacion. Kufiri i Kosovës është në Çakorr. Në Kosovë nuk ka vend për jug e për veri. Në Kosovë nuk do të ketë vend për Serbinë”.
Gjithashtu në fjalën e tij Haradinaj premtoi se, besimin që ka marrë nga qytetarët dhe disa subjekte politike do ta përdorë për të mirën e vendit dhe jo për interesat politike të partisë.
Haradinaj në këtë tubim ishte bashkë me partnerët e rinjë të koalicionit parazgjedhor, disa nga deputet e PDK-së.
