Kulla e Pizës në Itali është mjaft e veçantë, edhe për shkak të pjerrtësisë së saj.
Por, në fakt kulla nuk është projektuar që të ishte e tillë. Kulla e Pizës është kambana e katedrales dhe ndër objektet më të vjetra në Itali. Ajo u ndërtua si çdo kullë tjetër, vertikale dhe e drejtë, por më vonë kulla filloi të anonte.
Kjo për shkak se kulla është ndërtuar mbi një bazë të dobët, mbi një tokë jo të fortë, gjë që ka bërë që ajo të anojë dhe të bëhet e pjerrët, duke u dukur edhe më e veçantë dhe duke ia shtuar vlerat artistike vetes.
Pesha e kullës së Pizës është rreth 16 mijë ton, me një lartësi prej 55.86 m nga toka në anën më të ulët dhe 56,70 m në anën më të lartë. Gjerësia e murit në bazë është 4,09 m dhe në krye 2,48 m. Kulla ka 294 ose 296 hapa, kati i shtatë ka 2 hapa me pak ne veri.
Para se të niste puna për restaurimin e kullës, e kryer midis 1990 deri në 2001, kulla kishte një pjerrësi prej 5,5 grade, kurse pas përfundimit te punës ajo qëndron ne një pjerrësi prej 3,99 gradë.
Kjo do të thotë që maja e kullës qëndron 3,9 m më lart se vendi ku ajo duhej të ishte nëse do të ishte kullë vertikalisht perfekte.
