Gjykata e Amsterdamit ka pranuar kërkesën e autoriteteve shqiptare për ekstradimin në Shqipëri të Arben Frrokut, autori i vrasjes së kryekomisar Dritan Lamaj, do të kthehet për të shlyer dënimin në burgjet shqiptare.
Trupi gjykues në Holandë ka rrëzuar në këtë mënyrë pretendimet e Frrokut sipas të cilit në Shqipëri i rrezikohet jeta nga gjakmarrja.
Dosja e plotë mbërriti në Amsterdam në 20 korrik të këtij viti. Ajo përmbante vendimin e formës së prerë të Gjykatës shqiptare për dënimin e përjetshëm.
Gjykata Holandeze vlerësoi se Frroku nuk solli provat e mjaftueshëm për të penguar ekstradimin e tij.
Frroku u arrestua në Holandë në prill të këtij viti. Ai ishte në kërim prej disa muajsh pas vendimit të Gjykatës së Apelit të Krimeve të Rënda që rrëzoi atë të shkallës së parë e cila shpalli të pafajshëm.
Frroku është ndaluar nga policia gjatë një kontrolli në një provincë të Amsterdamit, ndërsa është prezantuar me identitet të rremë. Pranë autoriteteve holandeze Frroku ka dorëzuar një dokument si minoritar grek me emrin Renato Tsepa nga Korça.
Identifikimi i Frrokut është bërë përmes komunikimeve të Interpol Hagës me atë të Tiranës ku janë shkëmbyer të dhëna rreth identitetit të tij.
Arben Frroku u ndalua nga Gjykata e Krimeve të Rënda në 4 prill 2015. Me këtë vendim nuk u pajtua organi i akuzës.
Prokurorët e çështjes ankimuan vendimin e Shkallës së Parë në Gjykatën e Apelit për Krime të Rënda dhe kërkuan dënimin maksimal.
