Nëse keni problemi me pagjumësinë, atëherë ka një fajtor kryesor. Sipas një studimi të kryer nga Universiteti i Mjekësisë në Pensilvani, personat që i përdorin më shpesh rrjetet sociale, janë më të rrezikuar nga pagjumësia.
Në studim morën pjesë 1700 të rinj të moshave 19-32 vjeç, të cilët u intervistuan për të parë se sa shumë i përdorin rrjetet sociale, si Facebook, Twitter, Instagram, Snapchat, Credit, Tumblr etj.
Ndër të rinjtë që rrinin mesatarisht 61 minuta në ditë duke vizituar rrjete të ndryshme sociale, 30% e tyre treguan se kishin probleme serioze me gjumin.
Gjithashtu, në studim u vu re se ata që i kontrollonin më shpesh rrjetet sociale, ishin tre herë më të rrezikuar për të vuajtur nga pagjumësia.
Ndërsa ata që kalonin më shumë kohë në rrjetet sociale, ishin dy herë më të rrezikuar për të vuajtur nga pagjumësia, shkruan Shëndeti.
“Kjo mund të tregojë se kontrolli i shpeshtë i rrjeteve sociale shkakton më shumë probleme me gjumin se e gjithë koha e kaluar në rrjetet sociale,” shpjegoi Jessica C. Levenson, studiuese tek Departamenti i Psikiatrisë tek Universiteti i Pittsburgh në Pensilvani.
