Mijëra njerëz janë nisur mëngjesin e sotëm nga rrethet për të marrë pjesë në protestën e opozitës, e cila do të nisë në orën 12:00.
Organizimi është bërë nga drejtuesit e PD-së në rrethe, ndërsa qytetarët janë nisur drejt Tiranës me autobusë, furgonë dhe automjete private.
Protestuesit që po vijnë nga Veriu, grumbullohen në fillim tek Pallati i Sportit Asllan Rusi, të cilët priten dhe udhëzohen nga Edi Paloka.
Ndërsa protestuesit që vijnë nga Jugu, mblidhen tek shkolla Teknologjike (pallati me shigjeta), të cilët priten dhe udhëzohen nga Arben Imami.
Zona e juglindjes mblidhet tek liceu Artistik dhe pritet nga Arben Imami dhe Edmond Spaho.
Protestuesit do i drejtohen bulevardit, aty ku është edhe “Çadra e Lirisë”, rreth mesditës. Protesta nis në orën 12:00, ndërsa nuk dihet se kur përfundon.
