Në kryeqytetin e Kosovës do të mbahet për herë të tretë “Mini Maratona 5km”, e cila ka për qëllim të promovojë jetën e shëndetshme duke bartë energjinë pozitive tek secili pjesëmarrës, por njëkohësisht duke i dhënë kontribut komunitetit.
Organizatorët e kësaj garë sportive, Aferdita Paqarada dhe Diellza Kolgeci, kanë njoftuar se në këtë vit mjetet e mbledhura nga shitja e numrave do t’iu dedikohet fëmijëve me kancer, konkretisht repartit të onkologjisë në Klinikën e Pediatrisë në Prishtinë. Pjesëmarrësit në këtë ‘Mini Maratona 5K’ mund të jenë prej moshës 2 vjeçare, vrapues për herë të parë, atletë profesionistë, student etj.
Fituesit zyrtar do të ndahen në kategorinë e femrave, meshkujve dhe fëmijëve, të cilët do të fitojnë shpërblime modeste. Ngjara nis me një festival muzikor në orën 10:00. Garuesit do të vrapojnë nga sheshi ‘Zahir Pajaziti’ deri te rrethi (ish-Hotel Baci) dhe kthimi në pikën fillestare ku planifikohet të mbahet kocert muzikor. Edhe sot mund t’i merren numrat tek tavolina e informacionit.
