Pëllumb Isufaj, përgjegjës i zyrës përmbarimore në Fier, ka përfunduar në pranga. Ai akuzohet për veprën penale “Korrupsion pasiv i personave që ushtrojnë funksione publike”, pasi i ka kërkuar ryshfet shtetasit G.M. me qëllim mosekzekutimin e një vendimi gjyqësor.
Arrestimi u bë pas finalizimit me sukses të operacionit policor të koduar “Përmbaruesi”, nga Sektori për Hetimin e Krimit Ekonomik e Financiar në Drejtorinë Vendore të Policisë Fier, në bashkëpunim me Prokurorinë Fier.
