Një 22 vjeçar shqiptar ka mbetur i vdekur pas një sherri të ndodhur në Greqi. I riu shqiptar është konfliktuar me një 26-vjeçar, i cili është gjithashtu shqiptar, në Livanate, Ftiotida.
Mësohet se ai ka shkuar fillimisht në banesën e 26-vjeçarit, të cilin e ka qëlluar me grushte dhe më pas është larguar me shpejtësi.
Pas kësaj, ky i fundit i ka kërkuar ndihmë një shtetasi grek, 30 vjeç. Por, i riu shqiptar është kthyer sërish, këtë herë me një thikë në dorë, duke i sulmuar të dy ata.
26-vjeçari shqiptar dhe shoku i tij grek i janë kundërpërgjigjur dhe pasi e kanë neutralizuar, e kanë vrarë 22-vjeçarin me thikën e tij.
Nuk dihet ende identiteti i viktimës dhe as i autorëve, të cilët tashmë janë arrestuar nga policia greke.
