Një grua 93-vjeçare është shpallur Miss E mbijetuara e Holokaustit. Ajo fitoi garën mes disa të mbijetuarash, në një konkurs bukurie në Izrael.
Tova Ringer mundi 12 konkurrentet e tjera. Ajo ka lindur në Poloni dhe tani jeton në Haifa, qytetin ku mbahet eventi vjetor. Ajo humbi prindërit e saj, katër motra dhe gjyshen në kampin e përqendrimit.
“Jam shumë e lumtur. Është diçka e veçantë. S’do e besoja që në moshën time mund të isha e bukur”, tha missi. Mijëra njerëz e ndoqën eventin në fjalë. Izraeli është shtëpia e mbi 200.000 të mbijetuarve të Holokaustit.
