Një ditë pas aksidentit të rëndë që ndodhi në Gramsh, ku një minibus doli nga rruga dhe ra në humnerë, është arrestuar drejtuesi i mjetit: A.Xh., 47 vjeç, banues në fshatin Kodovjat, Gramsh. Arrestimi vjen pasi aksidenti ka pasur pasoja në njerëz, me humbje jete dhe shumë të plagosur.
Ngjarja
Një person raportohet të ketë humbur jetën, dhe disa të tjerë kanë mbetur të plagosur në aksidentin që ka ndodhur në Gramsh. Aksidenti ka ndodhur në afërsi të fshatit Bregas, ku është rrëzuar autobusi i linjës Gramsh-Kërpiç. Humbi jetën 33-vjeçari Ledian Lami, dhe kanë mbetur të plagosur 9 pasagjerë. Të plagosurit janë nxjerrë nga vendi ku ka rënë autobusi, dhe po transportohen për ndihmë mjekësore. Grupi hetimor po vijon punën, për zbardhjen e plotë të aksidentit.
