E enjte, 2 Dhjetor, 2021
11.5 C
Tirana

Champions/ Një ditë para finales, gjithçka duhet të dini mbi përballjen

Përballja në finalen e Champions League midis Mançester Sitit dhe Çelsit mbetet e vështirë për t’u parashikuar.

Siti ka fituar titullin në kampionatin e përbashkët por që nga ardhja e Thomas Tuchel, Çelsi ka qenë e vetmja skuadër që duket se ka përgjigjet për 11-shen e frikshme të Pep Guardiolës.

Blutë e Mançesterit më në fund kanë mundësinë të përmbyllin një dekadë dominimi në Premier League duke ngritur Championsin e tyre të parë këtë fundjavë.

Sidoqoftë, Çelsi ka precedentë për prishjen e parashikimeve në finalet e Ligës së Kampionëve, kujtojmë finalen e 2012-ës ndaj Bajernit dhe do të kenë padyshim siguri në vetvete se mund të bëjnë të njëjtën gjë edhe një herë nesër në mbrëmje.

Kur eshte?

Ndeshja luhet nesër në 29 maj në 21:00, në Porto.

Si mund ta shikoj?

Ndeshja do të transmetohet drejtpërdrejt në Tring për Shqipërinë. Kujtojmë që përpos platformës private nga sezoni i ardhshëm do të jetë TV publik shqiptar që do të transmetojë nga një ndeshje të Uefa Champions League në javë.

Cilat janë të rejat më të fundit nga dy kampet?

Dy pikëpyetjet kryesore ldhur me formën fizike vijnë nga Çelsi dhe kanë të bëjnë me portierin Edouard Mendy dhe dominuesin e mesfushës N’Golo Kante.

Por të dy u kthyen në stërvitje në fillim të kësaj jave dhe pritet të jenë të gatshëm për Thomas Tuchel në finalen e Ligës së Kampionëve.

Ndërkohë, Pep Guardiola ka një skuadër të plotë nga ku mund të zgjedhë pasi frika se Ilkay Gundogan do të mungojë ka kaluar.

Do të jetë ndeshja e fundit e eksperiencës dhjetë vjeçare të Sergio Agueros me Mançester Sitin, por nuk pritet të startojë si titullar duke pasur parasysh mungesën e minutave në fushë gjatë gjithë sezonit.

Formacionet e mundshme:

Siti: Ederson; Walker, Dias, Stones, Zinchenko; Fernandinho, Gundogan, Silva; Mahrez, De Bruyne, Foden

Çelsi: Mendy; Silva, Rudiger, Christensen; Azpilicueta, Jorginho, Kante, Chilwell; Mount, Pulisiç; Werner

- Reklama -

Më shumë nga kategoria




Të fundit

Haklaj plas ‘bombën’: Noka do tentojë të pushtojë selinë e PD më 12 dhjetor

Ish-kryetari i PD-së në Tropojë, Azgan Haklaj, ka lëshuar një deklaratë të fortë teksa ka thënë se Flamur Noka po përgatit strukturat për të...

Tensionet Rusi-Ukrainë, Lavrov dhe Blinken takim ‘kokë më kokë’

Sekretari amerikan i Shtetit, Antony Blinken dhe Ministri i Jashtëm rus Sergey Lavrov, u takuan të enjten në Stokholm, Suedi, mes shqetësimeve në rritje...

Nëse “Foltorja” është demokraci, atëherë PD e meriton Berisha&Bashën

Nga: Ben Andoni Nëse në fillim njerëzit e PD-së mundoheshin të gjenin atë të veçantën dhe mënyrën sesi do të mbrohej Berisha me etiketimin “Non...

Ben Blushi dorëhiqet nga drejtimi i “Top Channel”

Ben Blushi ka dhënë dorëheqjen nga "Top Channel", media e njohur të cilën e drejtonte prej katër vitesh. Nga sot ai nuk është më...

Komiteti Teknik publikon masat e reja, çfarë do ndodhë nga 4 janari

Pas rritjes së rasteve dhe shtrirjes së madhe në mbarë botën si pasojë e variantit Omicron, Komiteti Teknik i Ekspertëve ka vendosur që të...