Nënkryetari i Bashkisë së Tiranës, Arbjan Mazniku është thirrur në Prokurorinë e Tiranës.
Prokuroria ka nisur hetimet për Maznikun, pas akuzave të Partisë Demokratike për pagesën e hotelit në Barcelonë.
Ndërkohë më parë Prokuroria e Përgjithshme i ka dërguar shkresë Prokurorisë së Tiranës, ku kërkon verifikimin e faturave të nënkryetarit të Bashkisë së Tiranës.
Më herët, në një deklaratë për mediat, zëdhënësja e PD-së, Ina Zhupa, deklaroi se zyrtarët e Bashkisë së Tiranës bëjnë shpenzime luksi me paratë e taksapaguesve të kryeqytetit.
