Bora e rënë gjatë ditëve të fundit me intesitet të lartë, ka bllokuar 8 mësues në Theth. Në këtë zonë, bora kalon mbi 1 metër.
Mësuesit janë ngujuar në shkollën e Shalës, ndërsa bëjnë apel për ushqime. Njëri prej tyre, Kol Vladaj, thotë se janë të bllokuar prej 3 ditesh në këtë fshat. Po kështu ka apeluar për ndihmë, pasi kanë mungesë edhe të ushqimeve.
“Jemi të ngujuar prej 3 ditësh. Sot kishte intensitet më të lartë reshjesh. Pamundësia bëri që mësimi të ndërpritej. Shkolla rrezikon të shembet. Jemi të bllokuar, dëbora ka shkuar 1 metër.
Na duhen ushqime. I bëj thirrje prefektit dhe ministrit të marrin masat, sepse nga momenti në moment jemi në rrezik. I bëj thirrje shtetit që të na ndihmojnë dhe të marrin masa emergjente, sepse situata mund të agravojë”, u shpreh mësuesi Kol Vladaj.
