Presidenti i Rusisë, Vladimir Putin insiston për të vijuar me zhvillimin e një rakete me reaktorë bërthamorë, edhe pse 7 persona humbën jetën gjatë testimit të pajisjes.
Pas shpërthimit që ndodhi në momentin e testimit të pajisjes së re në gusht të këtij viti, 5 inxhinierë dhe 2 persona të tjerë humbën jetën.
Incidenti që u shkaktua rriti rrezatimin bërthamor në veri të Rusisë me 16 herë mbi nivelin normal.
“Ne do të vazhdojmë të perfeksionojmë këtë armë pavarësisht çdo gjëje”, tha Putin, teksa nderoi familjarët e viktimave.
Sipas tij, pasja e një teknologjie të tillë është garanci për paqen në planet, ndërsa theksoi se nuk ka të krahasuar me asnjë armë tjetër në botë. Por, shefi i Kremlinit nuk e specifikoi për çfarë arme bëhet fjalë.
