Aktualisht, dy janë pistat në të cilat po hetojnë uniformat blu për vrasjen e Petraq Gjikës në Fier. E para lidhet me plagosjen e 4 viteve më parë.
Në 2018-ën, Gjika u plagos në bark dhe në fyt, por fatmirësisht arriti t’i mbijetonte plagëve. Po kështu, grupi hetimor nuk përjashton mundësinë që Gjika mund të jetë përballur me një tentativë grabitje të serës, ndërsa mund të jetë sulmuar për vdekje nga ndonjë hajdut.
Grupi hetimor ka nisur punën për të bërë zbardhjen e plotë të ngjarjes.
Njoftimi i policisë
Sot rreth orës 06:40, në fshatin Mbrostar Ura, Fier, në afërsi të serave është gjetur pa shenja jete (dyshohet i vrarë me mjet prerës), shtetasi P. Gj., 67 vjeç, banues në Daullas, i cili ka qënë i punësuar roje te serat. Në vendngjarje ka shkuar grupi hetimor, dhe po punohet për zbardhjen e kësaj ngjarje.
