Pagat e ulëta në Teatrin Kombëtar janë rikthyer sërish në fokus, e ndërsa një panel me aktorë kanë trajtuar këtë problematikë. Aktori i humorit, Rezart Veleshnja, i ftuar në “360 Gradë”, u shpreh se pagat në Teatrin Kombëtar janë të ulëta. Me anë të një batute, regjisori Laert Vasili ia ktheu se kjo është arsyeja pse ai ende nuk është martuar.
Debati
Veleshnja: Ka diçka tjetër që është kryesore, pagesat.
Vasili: Teatri nuk mund të bëjë një premierë në javë.
Veleshnja: Ti mëshiron një Shekspir, Makbeth dhe merr 600 mijë lekë. Me 600 mijë lekë. Sa e ke qiranë?
Vasili: 300 mijë lekë.
Veleshnja: Ti 600 mijë merr në Teatër.
Vasili: Kjo është arsyeja që nuk jam martuar. Ku ka grua që më merr mua me këtë rrogë. Të gjithë bëjmë sikur kemi ardhur nga Suedia. Ky sistem të njësojë rrogat dhe le të kthejë rrogat për kategorinë e parë të Teatrit Kombëtar, 1 mln e gjysmë, dy mln sa bën ministri.
