50 vjet më parë, njeriu ia doli të ulet për herë të parë në Hënë, satelitin e vetëm natyral të Tokës. Ata ishin astronautët amerikanë Neil Armstrong, Buzz Aldrin dhe Michael Collins.
“Një hap i vogël për njeriun, një hap gjigant për njerëzimin”, deklaroi Aldrin. Imazhet e pabesueshme, u transmetuan direkt nga televizionet në mbarë botën, dhe u panë me admirim nga 650 milionë njerëz. Ajo që ndoshta dihet nga pak njerëz, është se kjo arritje historike u mundësua edhe nga disa gra. Matematikania e NASA-s, Katherine Johnson, llogariti me saktësi trajektoren e “Apollo 11”.
Ndërsa Margaret Hamilton, ishte projektuese e programit të fluturimit. Për të gjithë misionin, u angazhuan në total mbi 400.000 shkencëtarë, inxhinierë dhe teknikë. Misioni pati edhe shumë fat. Moduli hënor kishte edhe vetëm 15 sekonda karburant, kur preku sipërfaqen e Hënës.
Presidenti amerikan Richard Nixon, kishte përgatitur edhe një fjalim alternativ, nëse astronautët nuk do të arrinin të riktheheshin në Tokë. Madje para nisjes, ata u kishin lënë familjarëve autografët e tyre, që mund të shiteshin në ankand në rastin e një katastrofe. Nga atëherë, programet hapësinore kanë pësuar ndryshime të mëdha. Sot multi-miliarderë vizionarë si Elon Musk, po përgatiten të dërgojnë njerëzit të jetojnë në Hënë, apo në planetin e kuq Mars. /Tirana Today
