50 % e atyre që bëjnë aksidente janë pa patentë. Kjo e dhënë u përcoll nga Blendi Gonxhja, drejtor i Drejtorisë së Përgjithshme të Shërbimeve të Transportit Rrugor, DPRRTSH, teksa ishte i ftuar në emisionin “Goodmorning Albanians” në Euronews Albania. Gonxhja u shpreh se është një spektër i gjerë i gjërave që nuk kanë funksionuar në dhënien e patentave, dhe faji më i madh këtu ka qenë i shtetit.
“Nëse marrim rastin e arrestimeve, gjysma janë pa patentë dhe gjysma për përdorim alkooli në timon”, tha Gonxhja.
Sipas tij, testi i teorisë në marrjen e patentës deri disa vite më parë ka qenë hartuar qëllimisht shumë i vështirë, në mënyrë që drejtuesit e mjeteve të paguanin ryshfet për të marrë patentën.
Gonxhja tha se tani testi është shumë më i thjeshtë dhe i kontestueshëm nga të gjithë personat që aplikojnë për të marrë patentën.
