Një fëmijë 5-vjeçar ka humbur kontaktet me familjarët e tij ditën e sotme në plazhin e Spillesë.
Fillimisht është vënë re nga vrojtuesi i plazhit, i cili ka lajmëruar autoritetet dhe ndodhen në pritje të familjarëve.
Federata Shqiptare “Vrojtuesit e Plazhit dhe Shpëtimit në Ujë” iu bën thirrje banorëve të zonës që të njoftojnë familjen.
“Ky është Samuel Xhepa, vogëlushi 5 vjeçar, i cili ka humbur në plazhin Leonardo, në Spille. Samueli u vu re nga Marlindi, Vrojtuesi i Plazhit,i cili menjëherë i ofroi ndihmë pasi vogëlushi ishte pickuar nga një peshk. Pas një bisede me vogëlushin, Samueli i tregoi se i ati quhet Sinan Xhepa. Marlindi ka njoftuar autoritetet lokale dhe së bashku me Samuelin janë ende në pritje të familjes së vogëlushit. Nëse e njihni vogëlushin dhe prindërit e tij, ju lutemi të jepni ndihmën tuaj që Samueli t’u bashkohet sa më shpejt prindërve”, thuhet në njoftim.
