5 shkurti, e përbashkëta mes Neymar dhe Ronaldos (Video)

Rastësi apo jo, ata janë dy futbollistët më të mirë në qarkullim dhe kanë ditëlindjen në të njëjtën ditë, në 5 shkurt. Bëhet fjalë për Cristiano Ronaldon dhe Neymar Jr, të cilët kanë plot 7 vite diferencë mes tyre, portugezi feston 33 vjetorin ndërsa braziliani 26 vjetorin. Por pikërisht pas ditëlindjes do të ketë edhe një përballje mes tyre në Champions League, ku në “Santiago Bernabeu” Reali do të presë Paris Saint Germain.

Talenti është i madh tek të dy yjet, por Ronaldo është më i miri duke llogaritur trofetë e fituar, ku numëron 5 topa të artë. Braziliani akoma nuk e ka fituar një të tillë por karrierën e ka para dhe shumë shpejt mund ta ketë një të tillë, gjithmonë nëse bën mirë me PSG-në në këtë sezon dhe Brazilin në Botëror. Aktualisht Ronaldo qëndron më lart pasi ka edhe eksperiencën në krahun e tij por Neymar i ka të gjitha mundësitë për t’u bërë ndoshta edhe më i mirë se ylli luzitan. Ja disa nga magjitë që dinë t’i dhurojnë vetëm ata të dy.