5 fakultete dhe shumë degë studimi rrezikojnë të mbyllen pasi kanë të regjistruar më pak se 10 studentë që është pragu minimal. Qëndresa Qytetare përmes një raporti ngre shqetësimin se 87 degë dhe 5 fakultete në Universitetet e rretheve rrezikojnë të mbyllen.
“Fakultetet që rrezikohen janë 2 në Gjirokastër, 2 në Universitetin ‘Luigj Gurakuqi’ në Shkodër dhe 1 në Universitetin e Korçës. 4 nga 5 fakultetet që rrezikojnë mbylljen i përkasin shkencave humane dhe të edukimit. Lidhet drejtpërdrejtë me kriterin e mesatares që u rrit në degët e mësuesisë. Matura shtetërore është një proces që ndryshon prej 13 vitesh 1 apo 2 muaj përpara zgjedhjes së degëve”, shprehet Rigels Xhemollari për “tvklan.al”.
