Në Elbasan është arrestuar në 45-vjeçar i cili ishte shpallur në kërkim ndërkombëtar për llogari të drejtësisë italiane. Policia bën me dije se ka vënë në pranga shtetasin Jorgo (Gazment) Selmani, 45 vjeç, banues në Cërrik. Sipas policisë ai ishte dënuar në Itali me 11 vjet burg, për veprën penale “Shkelje e ligjit mbi narkotikët”.
Njoftimi i plote
Arrestohet një shtetas shqiptar me qëllim ekstradimi drejt Italisë.
Specialistët për Hetimin e Narkotikëve në Drejtorin Vendore të Policisë Elbasan pas një pune të mirë organizuar, në bashkëpunim me Komisariatin e Policisë Cërrik dhe Interpol Tirana, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:
Jorgo (Gazment) Selmani, 45 vjeç, banues në Cërrik.
Ndalimi i tij u bë pasi Gjykatës e Barit Itali, e ka dënuar 11 vjet burg, për veprën penale “Shkelje e ligjit mbi narkotikët”.
Veprimet e mëtejshme për këtë shtetas do të kryhen nga Zyra e Interpolit Tiranë.
