41 emigrantë të fshehur brenda një kamioni janë kapur nga policia greke.
Emigrantët e ndaluar ishin me origjinë afgane, ndërsa synonin të shkonin drejt vendeve të Evropës Perëndimore. Mësohet se mosha e tyre varion nga 20-30 vjeç. Sakaq, autoritetet kanë arrestuar shoferin e kamionit.
Kujtojmë që Greqia është kritikuar nga Brukseli për shkak të kushteve të vështira që emigrantët përballen në kampet e instaluara në ishujt grekë. Ato janë të mbipopulluara dhe në shumë raste janë shënuar incidente të dhunshme.
Pak ditë më parë 39 vietnamezë gjetën vdekjen në mënyrë tragjike brenda një kamioni frigorifer në Britaninë e Madhe.
