Si sot para 4 vitesh, bota u trondit nga një aksident i rëndë që pësoi legjenda e Formula 1, Michael Schumacher.
7 herë kampioni i Botës në Formula 1 u aksidentua në Alpet franceze më 29 dhjetor 2013, teksa bënte ski, duke pësuar dëmtime të mëdha në kokë vetëm pak para 45 vjetorit të tij të lindjes.
Por, familjarët e Schumacher kanë zgjedhur të tregohen mjaft diskretë, teksa lajmet për kampionin kanë qenë mjaft të pakta.
Ai ra në gjendje kome farmakologjike dhe u transferua nga spitali në banesën e tij në Zvicër.
Shpesh është aluduar edhe se kampioni kishte ndërruar jetë, por familja e tij është mjaftuar me përgënjeshtrimin e lajmeve të tilla, duke mos dhënë detaje për Schumacher.
Me siguri familja e tij po kalon një dramë, por edhe fansat, kolegët apo miqtë e tij janë në ankth të vazhdueshëm për gjendjen e legjendës, teksa heshtja ka krijuar një mister tashmë 4-vite pas aksidentit të rëndë.
