Xhaferr Deliu është arrestuar nga policia, pasi iu gjet në xhep një sasi tritoli.
Gjatë kontrollit të ushtruar në lagjen “dyli Haxhire” në Elbasan, policia gjeti në xhepin e 38-vjeçarit një pako të mbështjellë me natriban brenda së cilës ndodhej një sasi prej 33.5 gramë lëndë eksplozive e dyshuar me atë të llojit TNT (Tritol).
Tritoli ishte montuar së bashku me një kapsolle detonatore me gjatësi 2.9 cm si dhe një copë fitili zjarr-përcjellës.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit” parashikuar nga neni 278 i Kodit Penal.
