Një 35-vjeçar ka dhunuar një grua me iniciale L.B., pas një konflikti në një prej magazinave në lagjen Kordhoce, të Lazaratit. Mësohet se agresori ka qenë i dënuar më parë për trafik droge.
Përplasja dyshohet të ketë nisur në ambientet e pronës së të dhunuarës, ku ajo ka kundërshtuar kërkesën e 35-vjeçarit për të hyrë në ambientet e veta.
Mirëpo, ky reagim ka shkaktuar irritim tek 35-vjeçari, i cili më pas ka ushtruar dhunë, duke i krijuar plagë të shumta në trup biznesmenen. Agresori u shoqërua në komisariat, por më pas është lënë i lirë.
Sakaq, mësohet se gruaja ndodhet në gjendje të rëndë psikologjike në spital.
