Në janarin e vitit 1989, udhëheqësi komunist i Gjermanisë Lindore Erik Honeker, tha se Muri i Berlinit do të ekzistonte edhe për 50-100 vjet të tjera.
Më 5 shkurt, 20-vjeçari Kris Gufrua ishte i fundit që u vra në përpjekje për të kaluar Murin. Më 2 maj 1989, rojet kufitare hungareze, nisën të heqin telat gjemba në kufirin me Austrinë. Mijëra gjermano-lindorë nisin të arratisen drejt Perëndimit pas “piknikëve” të organizuar në Hungari.
Në shtator, nisën protestat e para për lirinë mbledhjes dhe udhëtimit. Më 9 nëntor, Gjermania Lindore hapi pas 28 vitesh kufirin e saj me Perëndimin. Mijëra lindorë u ngjitën mbi Mur. Atyre iu bashkuan gjermano-perëndimorët në një atmosferë festive. Prishja e Murit, nisi zyrtarisht më 13 qershor 1990, dhe përfundoi në nëntor 1991.
Rënia e Murit të Berlinit, i hapi rrugën ribashkimit të Gjermanisë që ndodhi zyrtarisht më 3 tetor 1990. Ajo solli shembjen e njëpasnjëshme të regjimeve komuniste në Evropën Lindore.
