Serbia do të vijojë të dërgojë grurë dhe misër në vendin tonë, duke bërë një përjashtim nga vendimi për ndalimin e eksporteve.
Kjo është konfirmuar nga Presidenti i Serbisë, Aleksandar Vuçiç. Ai ka sqaruar se 30 mijë ton grurë dhe një sasi më e vogël e misrit do të shkojnë në Shqipëri.
“Qeveria nesër do të bëjë përjashtim nga vendimi për eksportin e grurit dhe se 30 mijë ton grurë do të shkojnë në Shqipëri, dhe një sasi më e vogël e misrit.
Jemi të sigurt edhe nëse nuk kemi korrje dhe me atë korrje mund të ofrojmë shumë për rajonin dhe më gjerë”.
Duket se iniciativa e “Ballkanit të Hapur”, ka filluar të japë rezultatet e para në marrëdhëniet mes Shqipërisë dhe Serbisë.
