Një 30-vjeçar kapet në një parvaz ballkoni në një përpjekje të dëshpëruar për të shpëtuar jetën e tij, ndërsa zjarri përfshiu një banesë në katin e 19-të në zonën Lalbaug të Mumbait. Pak sekonda më vonë, ai humbet kontrollin e tij dhe bie për vdekje. Roja e sigurisë i identifikuar si Arun Tiwari u dërgua në një spital, ku u deklarua i vdekur kur mbërriti.
“Pasi shpërtheu zjarri, Arun Tiwari, një roje sigurie, nxitoi në katin e 19-të. Shumë shpejt ai e kuptoi se ishte bllokuar dhe për të shpëtuar veten, u var tek ballkoni. Ai u kap në parmakë për disa minuta, duke humbur kontrollin dhe duke rënë”, tha agjencia e lajmeve PTI, duke cituar një zyrtar.
Zjarri i madh u raportua nga Parku One Avigha në jug të Mumbait – një ndërtesë banimi luksoze. Me të marrë njoftimin, 14 makina zjarrfikëse shkuan në vendngjarje.
Disa orë më vonë, një zyrtar civil i Mumbait tha se zjarri ishte vënë nën kontroll, dhe zyrtarët e sigurisë ishin brenda ndërtesës për të përcaktuar shkakun e incidentit.
“Zjarrfikësit tanë kanë mbërritur sapo kanë pasur informacion në orën 11:55. Deri atëherë zjarri kishte arritur në katin e 20-të. Personi që u hodh nga ndërtesa, ka ndërruar jetë. Në objekt kishte edhe persona të tjerë, por ata u shpëtuan. Një hetim është nisur për të përcaktuar shkakun e zjarrit. Do të ndërmerren veprime kundër autorëve”, tha Iqbal Chahal, Komisioneri i Korporatës Komunale Brihanmumbai.
Burimi i lajmit: NDTV. Përshtatur nga Tirana Today
