Përkujtohet sot ngjarja e parë e kronikës së zezë që kapërceu kufijtë shtetërorë të ish-Republikës Popullore Socialiste të Shqipërisë.
Bëhet fjalë për aksidentin e ndodhur 30 vite më parë, më 22 nëntor 1989, në Himarë. Në atë kohë, një aksident tragjik i mori jetën 23 personave, shumica prej të cilëve ishin studentë të institutit të Lartë Bujqësor.
Autobusi po kthehej nga një ekskursion në jug dhe drejt rrugës, për shkak të një problemi në sistemin e frenimit, automjeti rrëzohet në humnerë.
VIDEO/ Ekzekutimi politik që tronditi Kosovën, dalin për herë të parë pamjet
Ministria e Brendshme dërgoi në atë kohë 2helikopterë për të shpëtuar jetët e studentëve. Por për shkak vjetërsisë së tyre dhe kushteve tejet të rënduara të motit, helikopterët që transportonin studentët, u rrëzuan në Vuno dhe Llogara.
Ky aksident tragjik u raportua nga antenat dhe përsëritësit radiotelevizivë të mbarë botës. Ndërsa regjimi komunist e trajtoi thjesht si një lajm të shkurtër përmes televizionit shtetëror në emisionin e lajmeve.
Ndërkohë, ditën e djeshme në zonën e Liqenit Artificial, Tiranë u inaugurua Pavilioni “Syri i Qiellit”, në nder të 23 viktimave të aksidentit tragjik.
