Prej 30 vjetësh e moshuara, e njohur si nënë Emineja jetonte në një nga godinat e qytetit Studenti. Tërmeti i 26 nëntorit e bëri godinën e vjetër dhe të amortizuar ku ajo jetonte të pabanueshme. Me një njoftim Bashkia e Tiranë ka informuar se tashmë nënë Emineja do të ketë një strehë të re. Ajo është akomoduar në Banesat Sociale në Shkozë.
Bashkia ka treguar se banesa e re jo vetëm plotëson të gjitha kushtet, por është modeluar që të jetë sa më e përshtatshme për të moshuarën. Madje, ajo tashmë do të jetë në gjendje të përfitojë edhe shërbimin shëndetësor të përshtatshëm.
”Janë disa histori që shkojnë përtej detyrës sonë të përditshme. E tillë është historia e nënë Emine që kishte 30 vjet që jetonte në konviktin e Qytetin Studenti. Ajo ka qindra histori për të treguar, por historinë e këtij viti jam e lumtur që do e nisë në shtëpinë e re tek Banesat Sociale”, thekson nënkryetarja e Bashkisë, Anisa Ruseti.
