30 mjekë shqiptarë pritet të mbërrijnë në Bergamo, për të ndihmuar Italinë në luftën kundër virusit vdekjeprurës. Mjekët do të zbresin në Romë, por do të operojnë në Bergamo, qyteti më i prekur.
Kryeministri Rama dhe Ministri i Jashtëm italian, Luigi Di Maio, kanë bërë një bisedë, ku u vendos vajtja e personelit mjekësor në Itali, kjo në shenjë solidariteti.
Bluzat e bardha do të qëndrojnë në Itali një muaj, dhe do të paguhen nga Shqipëria. Italia mbetet vendi më i prekur nga COVID-19, me një numër të lartë vdekjesh dhe të prekurisht, teksa stafet mjekësore janë në luftë për të përballuar flukset.
