Kujtim Koxha ka mbetur pas hekurave. Gjykata ka marrë sot vendimin për autorin e masakrës në Shëlli të Matit.
Koxha vrau 3 persona, ndërsa sot iu komunikua masa “arrest me burg”.
51-vjeçari është shfaqur i heshtur, ndërsa qëndroi kokulur gjatë seancës.
Më herët, ai nuk shfaqi asnjë shenjë pendese.
“Nuk jam penduar. Ata më qëlluan dhe mua më panë edhe banorë të tjerë se si më qëlluan. Më fyen para bashkëfshatarëve të mi dhe unë s’mund ta duroja që ata të më tallnin. Ndaj edhe shkova dhe mora armën”, tha në Policinë e Burrelit autori i ngjarjes së rëndë.
Mësohet se në seancë nuk është shfaqur asnjë nga familjarët e Koxhës. Ata janë ngujuar për shkak të frikës së hakmarrjes.
Ky i fundit vrau Mentor Hoxhën, 36 vjeç, Erzen Aliajn, 49 vjeç dhe Hamit Buçin, 43 vjeç.
