28 nëntori do të jetë festë zyrtare edhe në Kosovë. Lajmin e ka bërë të ditur vetë kryeministri Ramush Haradinaj.
Nëpërmjet një postimi në Facebook, Haradinaj njofton se 28 nëntorin e shpall ditë pushimi në territorin e Kosovës, në respekt të vlerave të trungut etnik shqiptar.
“Duke u bazuar në Ligjin për festat zyrtare, kam vendosur që 28 nëntorin – si Dita e Shqiptarëve – ta shpalli ditë pushimi në territorin e Republikës së Kosovës, për t’i respektuar vlerat e trungut etnik shqiptar si dhe traditat e mira familjare e shoqërore.
Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik.
RH”, ka shkruar Haradinaj, në Facebook.
