Shenasi Rama e ka quajtur liderin historik të PD-së, Sali Berishën një psikopat delirant. Kjo akuzë ë rëndë për Berishën vjen prej themeluesit të Partisë Demokratike dhe ish-pjesëtar aktiv i Lëvizjes së Dhjetorit, Shenasi Rama. Në komentet që ka bërë për 27 vjetorin e krijimit të kësaj force politike, Rama e ka konsideruar liderin historik të PD-së Sali Berisha si një psikopat delirant që kanë shtrembëruar historinë. Ai deklaron se pjesa më e madhe ndjek gënjeshtrat e ish-kryeministrit duke e cilësuar si një marrëzi dhe sëmundje 27 vjeçare.
“Vetëm Sali Berisha dhe Arben imami, njeri si psikopat delirant e tjetri si aktor operetash mbajnë mend rrenat e tyre. Edhe këto i ndërrojnë here mbas here, por ja qe te bindurit ne marrëzinë e tyre i ndjekin me fanatizëm dhe i përshtatin rrenat e tyre sipas historisë së radhës së Saliut.
Serish një shenjë tjetër e çmendurisë kolektive sepse këta duhet me mbajte mend jo vetëm rrenën, por rrenën e rrenës, rrenën e shtrembëruar, dhe njëkohësisht me u përballë me të vërtetën. Nuk ka ilaçe për këtë sëmundje që ka 27 vjet që vazhdon e përkeqësohet çdo here,” thotë Rama.
Ky i fundit sqaron edhe njëherë shtrembërimin që i është bërë historisë së demokratëve.
“Njerëzit që të urrejnë më shumë kur thua të vërtetën janë ata që janë të lumtur me besua rrenën dhe që e rijetojnë jetën e tyre në rrenë, si një film.
Dhe kjo i bën shumë të lumtur. Sepse kur e pranojnë rrenën të gjithë bashkë, atëbotë realiteti ndërron dhe imagjinarja dhe përralla që është në mendjen e tyre behet realiteti.
Si ne mesjete kur besonin ne një botë të mbushur me qenie të shpikura nga frika e fantazia e tyre, atëherë, në një realitet të tillë, të gjithë janë heronj, aktore dhe protagoniste, ti që thua të vërtetën je gënjeshtar.
Ti gënjeshtar je nga perspektiva e tyre por ama sjellja e tyre është në shenje tjetër e marrëzisë kolektive…. e kështu, kështu, ka ardhur koha me i ndenje sa ma larg çmendurisë kolektive. Me kenë hero si këta është punë e vështirë se te ik truri duke mbajte mend rrenat,” nënvizon Shenasi Rama.
