Analisti Besnik Mustafaj deklaroi se jo të gjithë protestuesit që erdhën në 27 janar mbështesin Bashën dhe Ramën. I ftuar në rubrikën ‘Opinion’ në “News24” Mustafaj theksoi se kryedemokrati Lulzim Basha dhe liderët e tjerë opozitarë duhet të dinë të vlerësojnë mesazhin e kësaj proteste.
Gjithashtu, Mustafaj pohoi se protesta e 27 janarit e organizuar nga opozita i kishte kaluar pritshmëritë e tij.
“Prania e shumë dhjetëra mijëra shqiptarëve në atë miting tregoi rritjen e pakënaqësisë ndaj Ramës. Kryeministri duhet ta shoh këtë gjë si një përhapje të madhe që ka shoqëria shqiptare ndaj tij. Por unë kam frikë se nga Basha dhe lidershipi i opozitës nuk do të mundet ta lexojnë drejt. Prania e aq njerëzve s’do të thotë detyrimisht mbështetje për ta. Unë jam njeri që e kam kaluar shumë kohë nëpër protesta. Unë e di si është një njeri i ardhur ne shesh se protesta e tij do të realizoj një kërkesë të tij. Kjo shpresë mund të ringjallet përmes një programi të vërtetë politik. Shpresoj që Basha dhe krerët e opozitës ta kuptojnë. Unë qëndrova tek dy kullat. Takova shumë protestues. Siç ju thash të gjithëve na ka ardhur shpirti në majë të hundës kjo qeveri. Shpresa dhe ajo që mungonte në protestë nuk ndërtohet në një ditë. Le të shpresojmë që do të jetë një vazhdim serioz”, tha Mustafaj.
Mustafaj është nja nga kritikët e kryedemokratit Lulzim Basha. Me gjithë kundërshtitë ndaj Bashës ai mori pjesë në protestë. Mustafaj cilësohet si nga politikanë të djathtë por dhe të majtë si një njeri që kërkon më të mirën për ringritjen e Partisë Demokratike dhe gjithçka e bën pa interes.
