Deputetët e Partisë Demokratike nga foltorja e Kuvendit kanë bërë thirrje për protestën e së shtunës. Ashtu siç edhe ishte paralajmëruar më herët, kjo ka qenë dhe një nga porositë e kryetarit Basha.
Në Kuvend po diskutohej ligji për zyrtarizmin e festes ë Shenjtërimit të Nën Terezës, por deputetët pasi kanë mbaruar mendimin e tyre për këtë festë kanë bërë thirrje qytetarëve për protestë.
“Në këtë betejë me vendin më të varfër të Evropës sot duhet të kishte pasur një ditë reflektimi. Njeriu është duhet të marrë krah dhe duhet të vendos nëse është me Nën Terezën ose me qeverinë. Ne jemi një komb që duhet të ruajmë disa vlera që na takojnë. Prandaj ju ftojmë gjithëve që të mblidhemi të shtunën në 27 janar, për të mbajtur krahun e Nën Terezës”, deklaroi deputeti Gent Strazimi.
Në të njëjtën linjë ka qenë dhe deputeti Falmur Noka i cili thirrjen e tij për protestë e bëri duke treguar shifrat e eksodit të shqiptarëve.
“Kjo është një protestë e njerëzve të varfër, ndaj atyre që janë në skamje kjo është një protestë e të gjithëve kundër qeverisë, pasi nuk punohet për ta. Tani që po flasim qindra shqiptarë janë me pasaporta në dorë, dhe kërkojnë të ikin. Atë që nuk e bërë dot asnjë pushtues po e bën Edi Rama. Nuk ka pasur kaq largime as në kohën pas vdekjes së Skënderbeut, kur Shqipëria pushtohej nga turqit”, është shprehur Noka.
Ndërsa kreu u Grupit Parlamentar të PD, Edmond Spaho deklaroi: Shtatë për qind e popullsisë shqiptare jeton me më pak se 3 USD në ditë. Jo vetëm të varfëritë po varfërohen, por edhe të pasurit po pasurohen edhe më shumë. A ka arsye më të madhe se kjo për tu ngritur dhe për të protestuar? Pse biznesi i vogël duhet të dalë në protesta? Sepse taksat po rriten, bizneset po varfërohen dhe po mbyllen. Bashkojuni protestës qytetare, mos protestoni të vetëm. Zgjidhja juaj është bashkimi i forcave dhe i vrullit të rinisë.
Po ashtu dhe deputeti i dhe kreu u republikanëve Famir Mediu, ka qenë i pranishëm në kuvend dhe bëri thirrje po ashtu për protestë.
Duke qëndruar në rendin e ditës, për zyrtarizmin e festës për Nën Terezës, Mediu tha: A duhet të protestojmë dhe kush duhet të protestoj. Një popull që nuk proteston pranon për udhëheqës despotë të korruptuar. Data 27 janar nuk është vetëm datë protestë, por është një thirrje për reflektim e të gjithëve. Prandaj duhet të bashkohem dhe të jemi të gjithë së bashku në 27 janar.
