Ditën e djeshme një 26-vjeçar nga Gjilani i dha fund jetës duke u hedhur nga kati i pestë.
Pas kthimit nga Gjermania ai po qëndronte në karantinën e detyruar për personat e riatdhesuar në Qendrën e Studentëve në Prishtinë.
26-vjeçari u hodh nga godina ku ishte i karantinuar, ndërkohë së fundmi ka reaguar Ministri i Shëndetësisë në Kosovë rreth ngjarjes tragjike.
Arben Vitia përgjatë një deklarate për shtyp theksoi se që prej ditës së djeshme ka menduar të japë dorëheqjen.
Ai u shpreh se do të punojë deri në fund për zbardhjen e kësaj ngjarje dhe se arsyeja se përse nuk e ka dhënë dorëheqjen deri më tani lidhet me situatën e shkaktuar nga COVID-19 në vend.
