Mesfushori i Kombëtares shqiptare Odise Roshi, do të kalojë në futbollin turk. Ai është shprehur më herët se Turqia është një destinacion i mundshëm, për të ardhmen e tij.
Pritet që mesfushori sot të paraqitet në skuadrën e Ligës së Parë turke, Boluspor. Burime të sigurta i treguan gazetës “Panorama Sport” se mesfushori do të firmosë një kontratë 1-vjeçare me opsion rinovimi edhe për një sezon, duke përfituar në total 250 mijë euro në vit.
Odise Roshi është një futbollist i lirë këtë verë. Prej disa javësh, ai është i lirë, pasi përfundoi kontratën me skuadrën nga rajoni i Çeçenisë, Akhmat Grozni.
