Ish kryeministri Sali Berisha ka rrëfyer disa nga ngjarjet e bujshme që kanë lënë gjurmë në jetën e tij, duke treguar se gjithmonë është përballur me rrezikun dhe asnjëherë nuk është tërhequr nga synimet e tij.
I ftuar në emisionin “Real Story”, Berisha është pyetur nëse ka frikë?. Ish kryeministri ka sjellë si shembull disa ngjarje si atentati me granatë, protestat me armë në Lushnjë, bllokimi i rrugës drejt Tropojës nga Haklajt, por edhe protestën e 21 janarit.
Berisha tregon edhe për 21 janarin dhe vendimin që kishte marrë.
“Në 21 Janar më rrethuan nga të katërta anët. Për Edi Ramën kam dhënë një mesazh. Po preke Kryeministrinë do jenë pesë snajpera dhe unë në dritare. Ai shndërrohet në zjarrvënës, unë jam patriot. Dhe jo Kryeministrinë, por një postë policie po preke, nuk kthehesh i gjallë në Tiranë. Dhe funksionoi. Ai në 27 janar u zhduk si ajo e pulës që i thonë.”-tha ai.
