Një stuhi e furishme përfshiu pjesën jugore të Kinës. Banorët e Jinping, në provincën e Yunnan, kur u zgjuan i gjetën makinat e tyre të shkatërruara, dritaret e thyera dhe rrugët e mbuluara nga grumbuj të mëdha akulli.
Sipas shërbimit meteorologjik të Yunnan, stuhia nisi rreth orës 06:40 të mëngjesit dhe shoqërohej me era të forta që shkonin deri në 70 kilometra në orë.
Duke iu referuar autoriteteve, stuhi të tillë nuk ishin parë prej shumë vitesh. Po sipas asaj që shkruan e përditshmja britanike “DailyMail”, vendi u përfshi nga një stuhi breshëri që zgjati vetëm 20 minuta, gjatë orëve të mëngjesit. Fatmirësisht nuk raportohet për persona të lënduar.
